Bie de poëziewanjelinge die Veldeke Krink Ech de aafgeloupe jaore georganiseerdj haet, woor in ’t dördje jaor Staeveswaert de plaats van wanjeling. Dao waerdje ouch stilgestange bie de door Echtenieër Joop Utens z.g. gereconstrueerdje dörpspómp oppe mert. ’t Verhaol van vendaag is ’t verhaol waat Mia van Wegberg-Kurvers daoväör toen haet gesjreve en dao ouch väörgelaeze. De dörpspómp es trefpuntj, wo alle nuuts waerdje doorvertèldj.
Marjo Jaski-Verheesen haet ’t verhaol ouch deze kieër ingespraoke. Väörluipig blif oos streve óm eder waek ’n nuuj verhaol te laote huuere en zoa oos biedrage te levere óm deze tied van väöl thoes zeen op ’n gooj meneer door te kómme. Nuuj verhaole blieve nog stieëds welkom. Eur verhaol kèntj g’r insture nao info@veldekekrinkech.nl. Bie twiefel of ’n verhaol gesjiktj is, of mit anger vraoge kan m’n belle mit 0475 482149. En verder bliftj ’t nog stieëds: op de balk ónger dees inleiding ’t drieheukske aanklikke en de vertèlling begintj. Väöl loesterplezeer!