De hieër Jac Linssen, awd industrieel-sjeepsboewer oet Brach, haet in zien laeve, wie d’r mit pensioen woor, hieël get gesjreve. Ein van zien oetgaves woor: “De Kapelmuren spreken”, mit dao-in herinneringe aan de kapel in de Brachterbaek. ’t Verhaol waat g’r noe kèntj beloestere herinnertj aan de oorlogstied en waat toen zoa-al bedachtj mós waere óm dao good oet te kómme. ’t Verhaol is van dörpsgenoot Jo Jochems, hertaaldj door Ton van Wegberg en weer ingespraoke door Marjo Jaski-Verheesen.
Weer haope det ’t loestere nao dit verhaol uch óntspanning geuf. G’r kèntj ouch angere, die dees verhaole nog neet kènne, dao èns op wieze. Óm de verzameling verhaole nog verder aan te völle höbbe w’r stieëds nuuj verhaole nuuedig. Zótj g’r ouch ’n verhaol höbbe waat angere zoe kènne interessere, stuur ’t den nao info@veldekekrinkech.nl.
“Sieraode veur OLV in de Kapel” väörgelaeze door Marjo Jaski-Verheesen