’t Dees waek väörgelaeze gedich is van Riky Simons-Julicher oet Zjwame, lid van oze krink. Dialect en oetspraok wieke iets aaf van ’t Echter plat, mer is good te verstaon en te begriepe. Riky haetj dit gedich gesjreve väör de “Limburgdaag”, dae Veldeke Krink Ech en Veldeke Belsj op 19 april j.l. höbbe gehaoje. Riky haetj bie die gelaegenheid ’t gedich ouch zelf väörgedrage, ónger aan de huidige brök tösse Roostere en Maaseik en precies op de plaats wo de nuuj brök is geplandj.
W’r höbbe Riky gevraogdj dit gedich zelf in te spraeke en wènse uch daomit väöl loesterplezeer.
Es g’r de verhaole oet oos “Verhaole project” regelmaotig beloestertj, zótj g’r wete det altied waal ’n óngerwerp te vènje is óm äöver te vertèlle en dit op te sjrieve, zoadet angere ‘t kènne laeze.
Höb g’r mesjien ouch ’n idee? Bie det sjrieve wille weer uch bès helpe! Laot ’t wete aan info@veldekekrinkech.nl
“Kóm euver de brögk” väörgelaeze door Riky Simons-Julicher