Kómmendj jaor blif de contributie väör Veldeke ‘tzelfdje es väörig jaor. Bie Veldeke Krink Ech is de jaorlikse biedrage 30 euro väör ’n ènkel lid. Echpare of mieë persoane op ein adres betale 40 euro. Waem automatisch betaling haet gekaoze, krig dit bedraag in mieërt/april 2026 van zien raekening aafgesjreve. De anger leje óntvange den ’n raekening. Betale doontj g’r aan de centrale administratie van Veldeke Limburg. Die verraekene det mit de kringe, dus ouch mit VKE.
Van ’t contributiebedraag geitj 20 euro nao Veldeke Limburg väör de provinciaal activiteite tót instandjhaojing van de Limburgse taal en volkscultuur. Tieën euro p.p. is väör de activiteite, die de Krink óngernumtj. Eur lidmaatsjap weurtj stilzwiegendj verlèngdj, es neet sjriftelik bie de secretaris of penningmeister is opgezag väör 1 december.
’t Bestuur en de anger leje haope natuurlik det geer ouch in 2026 lid bliftj, mer es g’r det óm ein of anger raeje neet mieë zótj wille, vraoge w’r óm oppertied op te zègke. Nuuj leje zeen ouch altied hertelik welkom. Kiek hieväör elders op de website wie g’r uch kèntj aanmelje of bel mit penningmeister Jeanne Vaessen, die hultj de leje-administratie bie.
Gaer zeen w’r uch (weer) es lid in 2026!
