Zoeken

Zoeken naar:

Ga naar de inhoud

Home
Rubrieke
Nuuts
Activiteiten
Äöver VKE
Oos taal
Projekte
Archief

Home (Letste) Nuutsbreef

(Letste) Nuutsbreef

Nuutsbreef november 2025

Reageren is niet mogelijk

(Letste) Nuutsbreef
- Nuutsbreef Archief

Facebook berichten

Veldeke Krink Ech

1 week ago

’t Programma van de Veldeke-aovendj van 12 november haet ’t bestuur aangepasj en ómgezatj nao ’n wanjeling op zaoterdigmiddig 15 november óm 14.00 oer. De raeje is oetgelag in ’t lèste Veldeke Bekèt. Óm toch in de sfeer te blieve van dees oetzunjerlike lokasie höbbe w’r in äöverlèk mit de stadsgidse d’rväör gekaoze ’n wanjeling te make door ’t centrum langs de panne-bördjes, die g’r mesjien hie en dao al höbtj zeen staon. Op die meneer krig g’r ouch ein en anger te huuere äöver de gesjiedenis van de Valk, noe “Pannefabriek”. De wanjeling begintj op zaoterdig 15 november óm 14.00 oer bie de roaj brök taegenäöver de ingank aan de Aosterbergerwaeg en doertj zoaget ’n oer. Nao ’t wanjele kómme w’r dao ouch weer trök bie de gastropub en broewerie, wo g’r ’n tas kóffie en stökske vlaai krigtj. Aanmelje óm mit te loupe en te preuve kan door ’n eige biedrage van 5 euro p.p. (7,50 väör in troducees). Betale kan via ’t raekeningnummer van de penningmeister det g’r vèntj achter op ‘t Veldeke Bekèt. Daobie estebleef naam, lidnummer en ’t aantal deilnummers vermelje. Aanmelje kan nog tót 10 november. ... See MoreSee Less

Photo

Bekijk op Facebook
· Delen
Delen op Facebook Delen op Twitter Delen op LinkedIn Delen via e-mail

Veldeke Krink Ech

4 weeks ago

De Fuchsia’s op 22 oktoaber bie Veldeke Krink EchOp woonsdig 22 oktoaber höbbe w’r weer ’ne sjoane aovendj väör uch geplandj. Dit jaor zulle De Fuchsia’s ‘n kluuerriek en humoristisch optraeje verzörge. Ze spele twieë vriegezelle dames die op zeuk zeen nao eine man. Det doon zie aan de handj van ein aantal leedjes die ze playbacke, mit väöl interactie mit ’t publiek. Daobie waere zie geholpe door eine neet zónne snuggere technicus. ’t Optraeje doertj óngevieër twieë kieër 45 minute.De Fuchsia’s make natuurlik gebroek van uch enthousiasme en humor! ’t Belaoftj ’ne aovendj vol plezeer te waere. Óm 20.00 oer in de Pejjerhaof. Väör lede gratis; gein lid? Den 3 euro p.p. estebleef. ... See MoreSee Less

Photo

Bekijk op Facebook
· Delen
Delen op Facebook Delen op Twitter Delen op LinkedIn Delen via e-mail

Veldeke Krink Ech

4 weeks ago

Väörlaeze of veurlaeze ?Maaktj neet oet, aojers en kènjer oet Zöstere e.o. zólle “veur” gebroeke, in Ech e.o. spraeke ze oet es “väör”. Es de kènjer ’t mer verstaon. Op maondig, 20 oktoaber is weer väörlaeze väör jóng kènjer in de Bieb. Ein van de vriewilligers van Veldeke Krink Ech zal den weer ’n sjoan verhaol prissentere väör kènjer van 3 t/m 6 jaor, die ónger begeleiding van ‘ne aojer of groataojer kómme loestere. Regelmaotig väörlaeze – ouch in ’t Limburgs – is good väör de taalóntwikkeling bie kènjer. Wie gebroekelik van 16.00 tót 16.30 oer in de bibliotheek aan de Bovenstestraat 11. Mitdoon is gratis en m’n hoof gein lid te zeen van Veldeke of van de Bieb. De väörige /veurige maondj wore d’r 7 kénjer gekómme; noe weer? ... See MoreSee Less

Photo

Bekijk op Facebook
· Delen
Delen op Facebook Delen op Twitter Delen op LinkedIn Delen via e-mail

© Veldeke krink ech 2017-2024

Mogelijk gemaakt door Nirvana & WordPress.