De Limburgs kampioene van Veldeke Krink Ech hawwe ’t drök de lèste tied: volop aan de bak! Ieës ’n optraeje bie de aovendj “Open podium” van de Kunst- en Cultuurraad Echt-Susteren. Dit jaor väör de 10e kieër! Naeve de declamatie-kampioene koom ’t dialek ouch aan bod in verhaole van Herman Theunissen van de Slek en Leontine Bus-Spee oet Deetere.
Op dónderdig 21 november wore Suze Golsteijn (Limburgs kampioen groep 7-8 – basissjoal Patricius Pej) en Inez Ermans (Limburgs kampioen groep 5-6 – basissjoal de Springdonk Zöstere) weer present op de “Oetblinkersaovendj” dae door de Gemèndje Ech-Zöstere georganiseerdj weurtj väör waem in ’t aafgeloupe jaor ’n bezunjer presentatie haet geleverdj op ’t puntj van sport, meziek enz. Dus ouch ’t väördrage in ’t Limburgs.
