De in oos jaorprogramma 2021 vermeldje activiteite väör de ieëste maondje van ’t nuuj jaor zólle neet kènne doorgaon. Konkreet beteikentj dit det de laezing mit beeldje op 27 januari door Peter Roufs äöver de vastelaovendj in Kölle opsjuuftj nao volgendj jaor. De flitscursus sjrieve in ’t Limburgs op 5 februari kömtj ouch te vervalle. De invölling van de Daag van de Modertaal op 21 februari kan ouch neet doorgaon op de meneer die w’r väör ouge hawwe.
Toen ’t bestuur ’t jaorprogramme opstèldje, woor d’r nog ónzekerheid, mer w’r kaoze d’rväör óm ónger väörbehawd tóch te planne. De aangesjerpdje maotregele half december maakdje dit ónmäögelik, allein al doordet alle lokaliteite geslaote zeen.
’t Bestuur hultj ouch vas raekening d’rmit det de jaorvergadering begin mieërt versjaove mót waere nao ’n later tiedstip in ’t jaor.
