Väör de jeugd van de basissjoale in Ech-Zöstere organiseertj VKE weer de declamatiewedstried, wobie dees jónges en maedjes ’n zelf gekaoze gedich kènne väördrage. Deze wedstried – in Ech inmiddels väör de 22e en in Zöstere väör de 16e kieër gehaoje – zal ouch dit jaor weer aafgeslaote waere mit ’n Limburgse finale en de biebehuuerendje Limburgse kampioene.
De wirkgroep Declamatie van Veldeke Krink Ech haef intösse alle basissjoale de materiale bezörgdj óm good te kènne starte. De meiste sjoale höbbe deze wedstried al es ’n vas programma opgenómme bie hun activiteite. Ouch al ómdet ze daomit geliekertied aandach kènne gaeve aan versjillendje taalaspekte wie: väördracht, oetspraok, beeldendje taal en natuurlik ’t Limburgs.
