Waem weurtj Kampioen väördrage van groat Ech of van groat Zöstere?
De voorbereidingen zeen weer begós. Vaorig jaor op de valreep höbbe weer nog es ein van de weinige kringe, Declamatie wedstijden gehaoje, in Ech en Zöstere. Sjoan finales, woväör nog dank aan ederein. Dit jaor kóste w’r aan de gang mit ‘n baetere planning.
Alle sjoale van Ech en Zöstere höbbe de gedichte zoawaal digitaal es op papier gekrege. De gedichte per categorie groep 3-4, 5-6 en 7-8 wo de kènjer oet kóste keze. Óngertösse zeen ouch al sjoalfinales gehaoje en dao is gebleke det ouch weer eige gedichskes zeen gesjreve, soms mit get hulp van pap of mam, oma of opa. Det moog natuurlik ouch.
Noe kómme de regiofinales d’r aan. Dao weurtj bepaoldj waem van groat-Ech en van groat-Zöstere moog deilnumme aan de Limburgse finale op 3 juni a.s. in Panningen.
- De Echter finale weurtj ieës gehaoje en waal op zondig 2 april, óm half 2 in zaal “De Peijerhaof”, Houtstraot 7 in Pej.
- De Zösterse finale is op zóndigmörge 16 april óm 10.00 oer in zaal “De Hermenie”, Feurthstraot 56 in Zöstere.
Ederein is welkom.
