Bestuurslid Piet Aben is ieërelid gewore van Veldeke Limburg in verbandj mit zien verdeenste väör ’t promote van de Limburgse taal o.a. door ’t mitwèrke aan de cursus “Laeze en sjrieve” en bie de Declamatiewedstried väör de kènjer van de basissjoale, zoawaal lokaal bie oze krink es provinciaal. Bie ’t puntj “bestuur” op de pas gehaoje jaorvergadering meldje väörzitter Jos Wackers det Piet 25 jaor bestuurslid is van Veldeke Krink Ech. Neet vermeldje hae – mer det woor effe later waal te zeen! – det ’n delegatie van ’t Limburgs Bestuur van Veldeke aanwezig zoe zeen mit ’n bezunjer verrassing. Piet kreeg de biebehuuerendje speldj opgestaoke door väórzitter Reg van Loo en veuldje zich daomit erg verieërdj.
