Es se aan ’t alfabet dènks, dènks se aan ’n lies van allemaol Nederlandse wäörd in de volgorde van A-B-C enz. Noe is ouch ’n beukske versjene wo-in allerlei Limburgse wäörd staon vermeldj in de volgorde van ’t A-B-C. Natuurlik wäörd die se in ‘t “officiële” alfabet neet zóts taegekómme.
Bie de lètter A beväörbeeldj: appelesien en alaaf. En verder appelemoos, apeneutjes en allenej. Soms höbs se die wäörd waal èns gehuuerdj, mer wèts se de beteikenis toch neet ech. Die stuitj in dit beukske d’r ouch bie.
Dit beukske is oetgegaeve door Veldeke. Krink Ech haetj de versie verzörgdj mit allemaol wäörd oet Ech en ómstreke, ’t smaalste stökske Nederlandj. ’t Beukske is neet allein leuk óm al die wäörd nog èns op ’n rie te zeen, mer wiltj ouch d’raan biedrage det die neet verlaore rake tösse al ’t gespraoke Nederlands of Ingels.
’t Beukske is vanaaf noe verkriegbaar bie de verkouppuntje:
- In Echt zeen det: Museum van de vrouw, de Laeswinkel/Bieb en Bookhanjel/Poskentoar Bruna.
- In Pej bie Fietsspecialist Wijnen aan de Houtstraot.
- In Zöstere bie Primera aan het Wigibaldplein.
- In Deetere bie cadeauwinkel “In ’t Plat”.
- In de Nuujstjadt bie Wervin/Poskentoar.
