Sjriefster Laura Theunissen haet ’n nuuj beukske oetgebrach. ’t Is ‘ne Limburgstalige kènjerdichbunjel getiteldj GEDICHSKES! Laura geuf aan det ’t mit dees gedichskes zal lökke weer kóntak te make mit ’t innerlijke kèndj in ós. Es v’r jónk zeen is bienao alles ’n avontuur én zeen v’r dèks hieël creatief. Wienieë v’r aojer waere wille v’r ’n stökske speelsheid nog waal èns verleze en probere v’r minder dèks nuuj dènger oet.
Op zaoterdig 20 september zal ze dit beukske prissentere in de bibliotheek de Domijnen in Ech, Bovenstestraat 11. Ederein is dao welkom óm 11.00 oer.
