Op dees website kèntj g’r ónger de knóp “Nuuts” weer ’t lèst versjene nummer van oos Veldeke Bekèt inkieke. Det is nummer 1 van de 17e jaorgank.
Leje van VKE höbbe dit intösse al in de brevebös óntvange. Ze zeen daomit geliek herinnerdj aan ’t opgaeve väör ’n paar activiteite in ’t ieëste kwartaal van ’t nuuj jaor zoa es mitdoon aan ‘t 4e Echter Dictee en ’t bezeuk aan de Echter Revue.
Wie bie ’n dialekvereniging te verwachte moog zeen: de meiste activiteite höbbe get mit Limburg of de Limburgse taal.
Laesj verder…
Minse die zich noe aanmelje es lid, kènne nog ’t ganse jaor mitdoon. De jaorlikse contributie is 30 euro väör ’n ènkel lid. Echpare of mieë persoane op ein adres betale 40 euro. Lid waere kan m’n ouch zónger aan de activiteite deil te numme; det is neet verplichtj. Es steunendj lid betaaltj m’n ouch 30 euro en krig g’r toch 4 x per jaor ’t nuuts van de Krink aan hoes door middel van ’t kwartaalblaad “Veldjeke Bekèt”. Ouch steunendje leje – dus ènkel en allein óm ’t werk van Veldeke in breije zin te óngersteune: activiteite tót instandjhaojing van de Limburgse taal en volkscultuur – zeen van herte welkom!
Opgave es lid kan via ’t invölformulier op dees website. Mer kan ouch door ’n berich te sture per email: penningmeester@veldekekrinhecht.nl of per pos: Spreeuwstraat 3, 6111 AX Sint Joost. Gegaeves: Naam, adres, telefoonnummer. En leefs ouch ’n emailadres (zoadet w’r ouch de Nuutsbreef kènne sture). Automatische betaling haetj oos väörkeur en kan eventueel geliek aangegaeve waere door ’t bankraekeningnummer te vermelje. De contributie weurtj in mieërt/april aafgesjreve door Veldeke Limburg. De administratie van VL verraekentj ein en anger vervolges mit de Krink.
En väör de dudelikheid: de naam “Veldeke Kring Echt” wiltj zeker neet aangaeve det de vereniging allein väör minse oet Ech-Zöstere bedoeldj zoe zeen. ‘t Gebied van Veldeke Limburg is opgedeildj in 10 kringe en Krink Ech betreftj ’t gebied tösse de kringe Zitterd en Remunj, dus ouch Brach, Staeveswaert, Mofert en al die anger kerne.
