De wènnieërs oet Ech e.o.
De ieëste regiofinale van de Veldeke declamatiewedstried 2023 is weer ‘ne sjoane femiliemiddig gewore. Väöl aojers, groataojers, klasgenootjes en angere “aanhang” wore nao de “Pejjerhaof“ gekómme óm ’t mit te make en de deilnummers te óngersteune.
Al mit al wore det dit jaor 37 deilnummers van 7 versjillendje basissjoale. In de volle zaal woor ‘ne sfeervolle, mer ouch spannendje sfeer. De kènjer die op hun eige sjoal door de selectie wore gekómme, kóste zich noe maete mit kènjer van de anger basissjoale van “groat Ech”. Presentatrice Patricia Beyer probeerdje ze allemaol mit ’n kort präötje väöraaf op hun gemaak te stèlle, mer toen mós ’t den toch gebäöre! Aan de driekoppige jury woor de taak te bepaole waem zien gekaoze gedich ’t bèste haw väörgedrage.
Det leverdje de volgendje oetslaag op:
Categorie groepe 3 en 4:
- Kampioen van Ech: Noud Laumen | BS Angela Ech | Gedich: “Pietje Kletsmajoor”.
- Sem Wilms | BS Patricius Pej | Gedich: “Logere”.
- Fenne Hees | BS Angela Ech | Gedich: “Logere”.
Categorie groepe 5 en 6:
- Kampioen van Ech: Thomas Laumen | BS Patricius Pej | Gedich: “Gelök”. *
- Zef Geerlings | BS Angela Ech | Gedich: “Plat kalle”.
- Tessa Verstegen | BS Keuningshöfke de Boesj | Gedich: “Hoage noad”.
Categorie groepe 7 en 8:
- Kampioen van Ech: Suze Golsteijn | BS Patricius Pej | Gedich: “Stress inne mörge”.
- Britt Reinders | BS Patricius Pej | Gedich: “Nae…nae…nae”.
- Laura Iedema | BS de Violier Ech | Gedich: “Stress inne mörge”.
* Zelf gemaaktj gedich.
Alle anger deilnummers krege väör hun dik verdeendje 4e plaats ’n sjoan oorkonde. Ouch zie kome oppe foto. (kiek hie-ónger; foto’s Geert Janssen)
