“Reuze van Pej”

Dit verhaol, opgeteikendj door Thei Ververgaert, is es awd verhaol mesjien get minder bekèndj, mer zeker de meujte waerd óm nao te loestere. Zien dochters höbbe ’t besjikbaar gestèldj väör dit project, Marjo Jaski-Verheesen haet ’t weer väör uch ingespraoke.

’t Bliektj det ouch hie en dao op locaties van dagbesteding, die weer aope zeen, same nao de Veldeke-verhaole weurtj geloesterdj. Det vènje weer ’n good idee. Sommige van de verhaole nuuedige oet óm d’r nog same get äöver door te kalle.

Mit dit “verhaole project” wille w’r ’n biedrage levere óm de tied van get mieë thoes zitte op ’n gooj meneer door te kómme. ’t Kan haopelik ’n aangenaam óngerbraeking van d’n daag zeen.
Vèntj geer de “Loesterverhaole” sjoan, laotj ós den èns get weite. Det kan mit ’n berichske aan info@veldekekrinkech.nl. En zótj g’r ouch ’n verhaol höbbe waat angere zoe kènne interessere, den kèntj ger det dao ouch aangaeve.

“Reuze van Pej” (väörgelaeze door Marjo Jaski-Verheesen)

Reageren is niet mogelijk