Lidmaatsjap

Lid waere van Veldeke Krink Ech?

Waem lid weurtj van Veldeke dreugtj daomit bie aan de volgendje zake:

  • instandjhaojing van de Limburgse dialecte en volkscultuur, ónger angere door activiteite en ein stök of tieën aovendje, speciaal väör de leje van de Krink Ech, wo ónger ouch ein excursie en ‘n speciaal kersviering.
  • eder kwartaal oos tiedsjrif, ’t Veld(j)eke-Bekèt.
  • óngersteuning van ’t oetgave-fonds, van beukskes, lesbreve e.d., die de belangstelling väör de dialecte inne gemèndje Ech-Zöstere laevendj haoje.

Waem lid weurtj van Veldeke Krink Ech is automatisch lid van Veldeke Limburg. M’n óntvungtj de nuutsbreef en het jaorbook van dees vereniging, zoadet m’n ouch witj wie ’t in de anger kringe geit. Veldeke Limburg haet zien secretariaat in ‘t Hoes väör de Kunste in Remunj en weurtj gesubsidieerdj door de Provincie Limburg. Veldeke Kring Echt kan raekene op de steun van de Geméndje Ech-Zöstere.

Contributie:

Van de jaorlikse biedrage van 30 euro per persoan is 20 euro bestömdj väör Veldeke Limburg. De Kringe kriegen daovan väör bepaaldje activiteite ‘n biedrage. De anger 10 euro kómme rechstreeks in de kas van de Krink Ech. Es ‘n echpaar lid weurtj, is de betaling aan Veldeke Limburg mer eine kieër; väör Krink Ech betaaltj m’n per lid. De Geméndje geuf ouch per lid subsidie. Väör ein echpaar is de jaorlikse biedrage dus 40 euro (20+10+10) es ze allebei de aovendje wille bezeuke. Mer ein énkel lidmaatsjap, allein om te óngersteune, is natuurlik ouch good!

Veultj g’r d’r get väör?

Gaef uch den noe of zoa gaw mäögelik op. De gegaeves kèntj g’r hie ónger downloade, invölle en inlevere bie ein van de bestuursleje of tröksture per e-mail. ‘t Lidmaatsjap löptj van 1 januari tót 31 december en weurtj zónger d’r verder kal aan voel te make eder jaor verlèngdj.

Es lid vanne Krink Ech zeentj g’r ouch lid van “Veldeke Limburg” en krig g’r daovan veer kieër per jaor ‘ne Nuutsbreef en jaorliks ’n Jaorbook thoes gesjiktj.

De contributie per 1 januari 2017 bedreug: € 20,00 per “adres” en daobie € 10,00 per persoan op det adres. Det beteikentj dus väör eine persoan € 30,00 en väör 2 persoane € 40,00. Ópzègke van ’t lidmaatsjap kèntj g’r taege ’t ènj van ’t kalenderjaor.

 

Lid waere van Veldeke Krink Ech.docLid waere van Veldeke Krink Ech.pdf

Adreswijzigingsformulier Veldeke Kring Echt.docAdreswijzigingsformulier Veldeke Kring Echt.pdf

Opgave e-mailadres.docOpgave e-mailadres.pdf

Reageren is niet mogelijk