De klepperman

’t Verhaol “de klepperman” kömtj oet ’t book “Kiek kènjer, zoa woor het vreuger”, det door Netje Heythuysen-van Leuven in 1990 is oetgegaeve. De kènjer höbbe det book aangebaoje óm d’r väör dit project verhaole oet te haole. Det wille w’r nao dit verhaol nog ’n paar kieër doon. Marjo Jaski-Verheesen haet ’t weer väör uch ingespraoke.

’t Verhaole Project kan nog lang door gaon es w’r regelmaotig nuuj verhaole bönne kriege. Det is sjoan en geuf ouch aan det d’r betrokkenheid is. Aarzel dus neet es g’r ouch ’n gesjiktj verhaol höbtj gesjreve of witj det emes anges det haet gedaon. Get insture of ós tippe kan mit ’n berichske aan info@veldekekrinkech.nl.
Mit dit “Verhaole Project” wiltj Veldeke Krink Ech helpe óm de tied van get mieë thoes zitte op ’n gooj meneer door te kómme. ’t Kan haopelik ’n aangenaam óngerbraeking van d’n daag zeen.

Vèntj geer de “Loesterverhaole” sjoan, laotj ós den èns get wete. Det kan ouch mit ’n berichske aan info@veldekekrinkech.nl.

“De Klepperman” (väörgelaeze door Marjo Jaski-Verheesen)

Reageren is niet mogelijk