VKE en Clubkas Campagne

Ouch dit jaor duitj Veldeke Krink Ech weer mit aan de RABO Clubkas Campagne. Alle leje van de Rabobank Roermond-Echt moge den 175.000 euro verdeile ónger de verenigingen en stichtingen die aan dees actie mitdoon. Leje van de bank höbbe dezer daag de stömkaart thoes gestuurdj gekrege. Van 8 t/m 23 mei kan m’n stömme. Väörig jaor höbbe weer dao eine leuke cent van gekrege (kiek nao de cheque oppe foto, door Riet Bougie vol trots getuuendj) en dao kénne weer den weer gooj aktiviteite van organisere

Vergaetj dus neet te stömme en leefs 2 stömme te gaeve aan Veldeke Krink Ech! Eder lid kan 5 stömme oetbrènge, wovan maximaal 2 op dezelfdje vereniging. G’r höbtj den dus ouch nog stömme äöver óm aan anger vereniginge te gaeve, die uch aan ’t hert ligke.

Ouch waem neet lid is van Veldeke Krink Ech wille w’r vraoge bie ’t oetbrènge van hun stöm aan Veldeke te dènke. Alvas hieël hertelik bedanktj!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *