Verhaole Project: “Boerelaeve 1900”

Dit verhaol is väörtgekómme oet ’t geheuge en get opzeukwerk van Wil Vergoossen oet Sjaelberg. Äöver wie ’t laeve woor op ’t plattelandj in ’t begin van de väörige ieëw. Det is lang geleje en es m’n ’t zoa huuertj, liektj ’t nog langer geleje. Waat is väöl verangerdj!

Marjo Jaski-Verheesen haet ’t weer väör uch ingespraoke. W’r wille nog èns d’rop wieze det jaomer is det bie naovraog sommige minse aangaeve det se nog neet aafwiste van dit verhaole project. Es g’r emes kèntj wovan g’r dènktj det hae of zie ’t ouch waal sjoan zoe vènje óm nao oos verhaole te loestere, wies die d’r den èns op en help eventueel wie oppe website te kómme. Lestig is ’t neet, mer m’n mót ‘t ‘ne kieër gedaon höbbe.

Dit verhaol is weer te beloestere door op de balk ónger dees inleiding ’t drieheukske aan te klikke. Väöl loesterplezeer!

“Boerelaeve 1900” (väörgelaeze door Marjo Jaski-Verheesen)

Reageren is niet mogelijk