Riet Bougie ieërelid van VKE

Bie zien aafsjeid van het bestuur van Veldeke Krink Ech höbbe de leje van de Krink gister oppe jaorvergadering Riet Bougie-Jeuken op väörstèl van het bestuur beneumdj tót ieërelid van de vereniging. De verdeenste van Riet väör de Krink waerdje door väörzitter Ton van Wegberg genumdj: ruum 20 jaor in het bestuur es 2e en later 1e penningmeister, belasj mit de opgaaf en financiële aafhanjeling van activiteite, en verantwoordelik väör ’t leef en leid van de leje. Riet kèndje de meiste leje en heel de persuuenlike situaties good bie. Dees taak zal zie trouwes ouch es neet mieë bestuurslid blieve behartige.

’t Aafsjeid en de beneuming waerdje óngestreeptj mit ‘ne bos blome. Hieëlemaol ónger de indrök van dees neet verwachdje beneuming sprook Riet de vergadering toe, bedankdje ederein väör de samewèrking en gooj verstandjhaojing en goof aan es lid ouch wo nuuedig nog zien biedrage te wille blieve levere.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *