Sjrieverskrink Midde-Limburg

De Sjrieverskrink Midde-Limburg bestuitj momenteel oet tieën persoane oet Midde-Limburg die gemiddeldj tieën kieër in ‘t jaor bie-einkómme in café-zaal ‘t Heukske in Sint Joas. Daobie zeen ouch ènkele leje van oze Veldeke Krink.

Hie zeen die den oppe twieëdje zaoterdig van de maondj tösse ein en veer oer aan ‘t werk. De door de leje zelf gesjreve gedichte en verhaole waere väörgelaeze en bespraoke. Ederein dae ‘ns wiltj kómme loestere is van herte welkom. Väöraaf melje bie Riky Simons (0475-508101 of riky@zjwame.nl) is henjig, mer hoof neet perse.

Degene dae interesse haet óm in zien eige dialek te sjrieve en zien werk same mit anger sjrievers te bespraeke, weurtj mit plezeer opgenómme in de Sjrieverskrink.

Reageren is niet mogelijk