Josephina (Tant Finke) Jennissen-Swinnen

Mevr. Josephina Jennissen-Swinnen (Tant Finke), geboren te Gebroek-Echt op 23 september 1909, was gedurende jaren lid van Veldeke (aanvankelijk Kring Sittard).

In ’n gesprek mit häör vertèldje zie det ze in häör laeve de kos verdeendje es hoesnejster en zwaor boerewerk, twieë uterste. In 1974, viefenzestig jaor awd, maakdje zie häör ieëste gedich väör de toenmalige Radio Zuid en haoldje dao ’n dördje plaats. Seer dae tied is ze dao mit door gegange en haet zie waal hónderde gedichte gemaaktj, meis oet ’t laeve gegrepe. Det is ze blieve doon tót 95 jaor, wie ’t tiepmesjien ’t begoof en zie zelf ‘t ouch neet mieë op pepier kós zètte. Mer de leefdje óm de actualiteit van edere daag vas te ligke in ’n gedich is gebleve.

De miensloeting en de laeste kompels

Op ene meurge sprook de vader
tot ziene zoon, jong kom mit
den gaon wer kaole delve
in de mien, kom mit mig mit.

En de zoon ampel 18 jaor
ging mit zie vader nao de mien,
want he wol net wie ze vader
ens eine mienwerker zeen.

Es de sjig waas aafgelaupe
ging der mit zien kompels nao de sjag
wo de mienbus stong te wachte
die hun den weer heives brach.

In de mien wirk hae al menig jaor
en duit dao troe zien plich
tot ter op ’n daag mos huuere
de miene ze gaon dich.

En nog stuit ter duks te kieke
bie de paort dao van de mien
de mien wo der jaore wirkdje
en wo der neet mae hoof te zeen.

Wo zeen ze gebleve mien kompels
Wo zeen ze allemaol heen
Wo zeen ze gebleve de koele
Weg wie ein lamp die neet sjeen.

M.J. Jennissen Swinnen (Slek-Echt, 1974)

Reageren is niet mogelijk