Mit Veldeke “Nao ’t Zuuje”

Es ein film de lèste tied aandach haet gekrege den is det waal de film “Nao ’t Zuuje” äöver de vastelaovendj in Venlo. En terech!
Veldeke haet in samewèrking mit de Royal Service Bioscoop mit dees film weer ‘ne filmaovendj kènne aafspraeke. Op vriedig 9 mieërt, väör Halfvaste, kömptj speciaal väör Veldeke-leje en introducees de film “Nao ’t Zuje”, äöver de Vènlose vastelaovendprins van väörig jaor: zien väörbereiding, zien belaevenisse. Volges recensies truf de film eindelik èns de goje sfeer van Vastelaovendj. De meujte waerd dus!
Waat w’r natuurlik neet kóste väörzeen is det de film mit de vastelaovesdaag oppe tv is gewaes. Mesjien höb g’r ze toen gezeen. Det kan tót gevolg höbbe det g’r d’r noe neet mieë haer wiltj gaon, mer weer höbbe daonao ouch al hieël get minse gespraoke die zagte: “Die wil ich bès nog èns zeen. In zien gehieël (de tv oetzending woor ingekortj) en den op bioscoop formaat, det is toch anges.”

Wie eerder kènne w’r uch dees film, same mit ’n tas kòffie mit vlaai väöraaf, aanbeje väör 8 euro p.p.
Es g’r dao bie wiltj zeen, deentj g’r ’t bedraag van 8 euro p.p. äöver te make op raekeningnummer van Veldeke Krink Ech: NL65RABO0138631964 ónger opgaaf van ’t aantal persoane/kaarte en ’t lidnummer van degene dae de kaarte bestèltj. (Lidnummer achter op Veldeke Bekèt, baove de naam). G’r kènt ouch ’t geldj, same mit ’t strookje óngeraan deze Nuutsbreef, in ’n envelop in de brevebös stoppe bie oze penningmeister, Thaalpad 129, Pey-Echt. Opgave kan tót 1 mieërt.
Royal is dae aovendj vanaaf 18 oer aope väör de kóffie-vlaai. Óm 19.00 oer begintj de film.

 

Geef een reactie

Het e-mailadres wordt niet gepubliceerd. Vereiste velden zijn gemarkeerd met *