Mit Veldeke nao de Aesters?

Al ettelike jaore bezeuke w’r es Veldeke Krink de vastelaovesaovendj van de Aester. Weer doon dit in ’t kader “Taal in al zien sjoanheid”, ómdet w’r wille waardere det anger organisaties ’t dialect op ’n gooj meneer oetdrage. Väöl leje waardere det. Allein zoewe ze w’rsjienlik neet nao zónne aovendj haer gaon, mer same is get anges. En väör de vastelaovesvereniging is ‘ne volle zaal baeter es ‘ne half-volle!

Dit jaor is zelfs väör die vastelaovesactiviteit te keze. Óf de seniorenmatinee in Royal Theater van CV de Aester in Ech op woonsdig 22 januari (19.00 oer), óf de bóntje middig van de Aester SU in Pej op zóndig 26 januari in de Pejjerhaof (14.00 oer). Óf g’r keesj väör allebei, det kan natuurlik ouch.

D’r is versjil tösse de beide activiteite: de aovendj in Ech is ’n parade van bekèndje Limburgse artieste, de middig in Pej is ’n breid pallet van lokaal optraejes. Es g’r dao vanoet Veldeke haer wiltj gaon, is ‘t belangriek väöraaf aan te melje d.m.v. ’t betale van de entree op raekeningnummer NL65RABO 0138631964 van Veldeke Kring Echt, ónger vermeljing van naam en lidmaatsjapsnummer. Váör verder informatie kiek eventueel in ’t lèste nummer van Veldeke Bekèt of bel 0475 411169.
Opgave kan tót en mit uterlik 17 januari.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *