Henk Hover Wènnieër Groat Limburgs Dictee 2018

Presentator, zanger en Echtenieër Henk Hover haet ’t Limburgs Dictee gewónne, det opgezatj woor door dagblad De Limburger en Veldeke Limburg. Daomit haet hae laote zeen det d’r waal hieël erg good is in ’t sjrieve van de Limburgse taal. Henk deej mit bie de gewuuen deilnummers die nao ’t insture van ’n in ’t Limburgs gesjreve teks geselekteerdj wore.  Daomit woor hae ein van de 4 deilnummers vanoet de krink Ech, wovan hae ouch lid is. In totaal höbbe 30 laezers van de Limburger en 20 zg. prominente, bekèndje Limburgers, aan deze wedstrijd mit gedaon. ’t Vónj plaats in ‘t kentoar van Mediahuis Limburg in Zitterd. Bie de prominente haw Niek Dirkx (van Spik en Span) de minste foute.

De finaliste van de wedstried Groat Limburgs Dictee móste in totaal 17 zinne sjrieve in 7 versjillendje Limburgse dialekte: Venraojs, Venloos, Wieërts, Remunsj, Zitters, Mestreechs en Kirchraods. Det woor bès moeilijk en neet verwónjerlik det ’t gemiddeldje aantal foute op 95 loog (bie de prominente op 116). De wènnieërs hawwe respectievelik 55 en 74 foute. Anger finaliste van oze Krink wore: Riki Simons, Mia van Wegberg-Kurvers en väörzitter Ton van Wegberg (91 foute).

Geef een reactie

Het e-mailadres wordt niet gepubliceerd. Vereiste velden zijn gemarkeerd met *