Greumelmetjes

De Echter Krakelingen greumelmetjes (placemats) zeen d’r weer! Väöral es herinnering en dank väör degene die ’n biedrage höbbe geleverdj aan de sjoane aovendj äöver de Echter Krakelinge en Echter Vuurstein, hawwe w’r ’n aantal greumelmetjes laote make mit de aafbeelding van ‘ne wikkel zoa es die óm de origenele blikke zote. Die zoge d’r geweldig oet en ’t restant, waat daonao te koup waerdje aangebaoje, woor in ‘ne vlook en ‘ne zuch oetverkoch. Väöl minse wólle zo’n metjes höbbe óm zelf te gebroeke of óm cadeau te doon. Daoróm zeen metjes bie bestèldj en noe weer te koup väör 3 euro per stök bie Veldeke activiteite. Es g’r ze nog väör Sinterklaos wiltj höbbe den zeen ze aaf te haole bie de väörzitter op Oleanderstraot 2. Väöraaf effe belle.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *