De jaorvergadering van Veldeke Krink Ech weurtj gehaoje in de EvenementenZaal “Pejjerhaof”, Houtstraat 7 in Pej, op woonsdig 1 februari 2017 óm 20.00 oer.
Dees jaorvergadering zal in verbandj mit oos 40-jaorig jubileum extra fieëstelik aangeklèdj zeen. Wie de lèste jaore gebroekelik, zal Geert Janssen de foto- presentatie van de versjillendje activiteite van ’t aafgeloupe jaor väör ós verzörge.
Väör de pauze zeen de óngerdeile die statutair verplich zeen. ’t Väörlaeze en bespraeke van ’t jaorverslaag en ’t financieel verslaag van 2016. De verslage kènne kort zeen, ómdet ze later ouch nog in ‘t Veld(j)eke Bekèt waere opgenómme. De kascontrolecommissie brungtj verslaag oet van hun bevènjinge bie ‘t doornumme van de stökke en daonao kömptj de beneuming van de nuuj kascontrolecommissie aan de orde. ’t Väörstèl van ’t bestuur is óm de contributie väör 2017 neet te verhuuege. Anke Heythuysen-Corstjens en Ton van Wegberg zeen volges ’t ruuester aaftraejend en ze stèlle zich herkeesbaar. Daonaeve kènne leje van Veldeke bestuurskandidate bekèndj make bie de sikkertaris t/m 30 januari 2016. Ouch kènne ze zelf interesse aangaeve väör ’n plaats in ’t bestuur. W’r zoewe dao blie mit zeen.
Den is ’t tied väör ’n pauze.
Nao de pauze kieke weer same väöroet nao de inhoud van ’t programma van 2017, det g’r achter op ‘t lèste nummer van Veld(j)eke Bekèt ouch al kèntj bekieke. G’r wètj’t al: Oos jaorvergaderinge zeen noats saai, mer informatief en gezellig en geer zeentj den ouch van herte welkóm!
Tösse de versjillende óngerdeile van de vergadering lasse w’r tied in väör meziek. Dit jaor van de Belgisch-Limburgse zenger/troubadour Piet Stinckens.
