Oetstepke Eijsden en Margraten

Eijsden en Margraten zoewe de bestömminge zeen gewaes väör ’t Veldeke oetstepke op 10 juli van dit jaor. Mer det geit neet door. Alle activiteite tót september zeen noe aafgelasj of opgesjaove. ’t Zeen allebei geweldige bestömminge, die op oos lieske blieve staon. Volgendj jaor mesjien? Es w’r den weer mit de bös moge en kènne gaon.

Margrate hawwe w’r dit jaor gekaoze vanwaege de herdènking van de bevriejing. ’t Is ’n sjoan plek óm bie det feit stil te staon. Mer ’t anger jaor – nao 76 jaor – is det neet minder. Eijsden is de meis zuidelikse plaats van oos provincie en beslisj ouch de meujte waerd. Haotj ’t dus mer tegooj. Activiteite op ’t jaorprogramma, die ouch kómme te vervalle, zeen: de väördrachtemiddig (es vervolg op de declamatiewedstried van de basissjoalkènjer, mer dae ging neet door, dus ouch gein väördrachte), de thema-aovendj äöver de Selfkantj op 10 juni en de Zomer-aovendj activiteit op 27 augustus. Haopelik weurtj vanaaf september alles weer ’n bietje gewuuen.

Reageren is niet mogelijk