Ouch dit jaor zal de Veldeke Krink in de waek väör Kersmis weer ’n H. Mès in ’t Limburgs dialek verzörge. Die vuntj plaats op vriedigaovendj 20 december óm 19.00 oer in de parochierkèrk van Pej. De kèrk äöpentj gastvrie de däöre väör leje van Veldeke, parochiane en anger belangstèllendje leefhöbbers van ’t dialek.
Gebaeje en gezange in dees Mèsvering kèntj g’r volge, mit baeje en mitzènge oet ’t beukske det bie de ingank van de kèrk zal waere aangereiktj.
Wie gebroekelik zólle w’r ouch stil staon bie de gestórve leje van oze Krink.
Nao aafloup van de deenst is d’r väör de leje ‘n lekker tas kóffie en de gelaegenheid óm effe nao te kalle. Det doon w’r in de café van de Pejjerhaof. Zeentj g’r nao de kèrk gekómme mit emes anges, gein lid, num hem of häör den ouch mit.
